Bakıda dəniz suyunun geri çəkilməsi nəticəsində maraqlı hadisə yaşanıb. Bu haqda sosial şəbəkələrdə məlumat yayılıb.
Buzovna qəsəbəsində yerli sakinlər dənizin geri çəkilməsi sayəsində 15-16 il sonra ayaq basdıqları qayalıqlarda maraqlı "tapıntı"ya rast gəliblər. Qaya parçası üzərində rus dilində yazılan "Burada sevgi dəfn olunub. 06.85" ("Здесь захороненa любовь. 06.85") sözləri sakinlər üçün rəmzi məna daşıyıb. Onun gücü ilə Xəzərin zəbt edilən sahilləri və qayalıqları azad ediləcək.
Bugünədək dənizin içinə qədər uzanan 2 çəpər-baryer sökülüb, hazırda daha 1 çəpərin sökülməsi işi aparılır.
Amma sakinlər üçün ən önəmli məsələ qayalıqların hasarlardan azad edilməsidir ki, hələlik bu istiqamətdə dəyişiklik yoxdur.
