Paytaxtın Xəzər rayonu, Buzovna qəsəbəsində ailəyə silahlı basqın nəticəsində qurbanların sayı üçə çatıb. Bu haqda bu gün, 1 dekabr tarixində Report məlumat verib.
Ağır vəziyyətdə xəstəxanaya çatdırılan 77 yaşlı Şahirə Muradova Sabunçu Tibb Mərkəzində dünyasını dəyişib.
Daha öncə, 29 noyabr tarixində gecə saatlarında naməlum şəxs 83 yaşlı Elbrus Muradovun evinə girərək onu bıçaqlayaraq öldürüb. Evdə olan onun həyat yoldaşı, 77 yaşlı Şahirə Muradova, 51 yaşlı oğlu Rahil Muradov və 25 yaşlı Elbrus Ağalarov ağır xəsarətlər alıblar. Rahil Muradov bir müddət sonra xəstəxanada keçinib, Elbrus Ağalarov isə evə buraxılıb. O, hadisənin təfərrüatlarını açıqlayıb.
