Geomorfoloq Rəfael Abdullayev vəfat edib. Bu haqda bu gün, 19 iyul tarixində Bakuplus.az Apa.az-a istinadən məlumat verir.
Tanınmış geomorfoloq, alim, coğrafiya üzrə fəlsəfə doktoru, dosent Rəfael Abdullayev 74 yaşında dünyasını dəyişib. O, akademik H.Əliyev adına Coğrafiya İnstitutunun Geomorfologiya və təbii risklər şöbəsinin müdiri idi.
R.Abdullayev Bakı Politexnik Texnikumuna, ondan sonra Azərbaycan Dövlət Universitetinin Geoloji-coğrafiya fakültəsinə qəbul olub. 1968-ci ildən etibarən Coğrafiya İnstitutunun “Geomorfologiya” şöbəsində çalışıb. 2021-ci ildən başlayaraq Geomorfologiya və təbii risklər şöbəsinə rəhbərlik edib.
Beynəlxalq bazalarda referatlaşdırılan 60-dan artıq məqalənin müəllifidir. Onun əhəmiyyət kəsb edən elmi nəticələri müxtəlif xəritələrdə, məqalələrdə və kitablarda öz əksini tapıb.
