“Nikosayağı”nın növbəti məhkəmə iclası keçirilir. Bu haqda bu gün, 6 fevral tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin hakimi Samir Əliyevin sədrliyi ilə keçirilən prosesdə tanınmış blogerə ittiham aktı elan edilib. Nicat Şakirlinin avtomobili içkili vəziyyətdə idarə etdiyi, qəza nəticəsində dostunun öldüyü bildirilib.
Nicat Şakirli ona edilən ittihamla özünü tam təqsirli bilib.
"Hadisələri tam xatırlaya bilmirəm. Mən videoya baxandan sonra hər şey yadıma düşdü. “Joker” adlı mərkəzdə çay içib istirahət edirdik. Mənə qaranlıq qalan o məqam oldu ki, qəzanı törətməmişdən öncə içkili olmamışam. Mən içkini bir gün qabaq barda içmişdim. Hadisə zamanı rəhmətə gedən Ruslan mənim əzizim idi. Kaş o yox, mən ölərdim. Onun ailəsindən dönə-dönə üzr istəyirəm", – deyə bloger qeyd edib.
Növbəti iclas 27 fevral tarixinə təyin edilib.
[caption id="attachment_128722" align="alignnone" width="640"]
Foto Report.az[/caption]
