Bakı metropoliteni Yaşıl xətt üzrə "Dərnəgül" stansiyasından "Koroğlu" stansiyasına qədər tikiləcək 3 yeni stansiyanın layihə-smeta sənədlərinin hazırlanmasını başa çatdırıb. Bu haqda BakuPlus.az Trend-ə istinadən bu gün, 22 noyabr tarixində xəbər verir.
"Bakı Metropoliteni" Qapalı Səhmdar Cəmiyyətinin baş mühəndisi Əlixan Osmanov bildirib ki, xətt üzrə bütün sənədləşmə işləri hazırdır:
"Tikinti barədə tapşırıq verilən kimi dərhal işlərə başlanılacaq. Hazırda tikintiyə başlamaq üçün lazım olan bütün şərait var. Metropolitenin tikintiyə başlamaq üçün kifayət qədər texniki və zehni potensialı mövcuddur".
