Xüsusi Rabitə və İnformasiya Təhlükəsizliyi Dövlət Xidməti sosial şəbəkələrdə yaranan problemlə bağlı açıqlama verib. Bu haqda bu gün, 6 mart tarixində Bakuplus.az quruma istinadən xəbər verir.
"Problem lokal xarakter daşımadığından hesablarına daxil olmaqda çətinlik çəkən səhifə sahiblərinin və vətəndaşların narahatlığına heç bir əsas yoxdur", – deyə açıqlamada qeyd olunub.
Qurum dövlət qurumlarının elektron hesablarının daimi monitorinq və nəzarət altında saxlanıldığını da vurğulayıb.
Ötən gün “Meta” şirkətinə aid Facebook və İnstagram platformalarında qlobal problem yaranıb. İstifadəçilər öz profillərinə daxil ola bilmirdilər.
