Abşeronla Bakını birləşdirən avtobuslar “BakıKart”a keçirilir. Bu haqda bu gün, 1 noyabr tarixində Bakuplus.az sosial şəbəkələrə istinadən xəbər verir.
Bildirilir ki, Xırdalan şəhəri ilə Goradil qəsəbəsini əlaqələndirən 592 və Qobu qəsəbəsi ilə Bakı Beynəlxalq Avtovağzal Kompleksini əlaqələndirən 567 nömrəli marşrut xətlərinin avtobuslarında gediş haqqı “BakıKart”la ödəniləcək. Hazırda sözügedən avtobuslarda ödəniş cihazları quraşdırılır.
Yeniliyin 13 noyabr tarixindən qüvvəyə minməsi gözlənilir.
