“COP29” konfransında dini liderlərin sammiti keçiriləcək. Bu haqda bu gün, 10 fevral tarixində Bakuplus.az Report-a istinadən xəbər verir.
Azərbaycanda keçiriləcək COP29 konfransında BMT dinlərarası pavilyonunun və dini liderlər sammitinin keçirilməsi Müsəlman Ağsaqqalları Şurasına (MAŞ) həvalə edilib.
Bu məsələdə Şuranın sədri və baş katibi QMİ sədrindən məsələ ilə bağlı Azərbaycan rəhbərliyinə müraciət etməsini, baş katib Məhəmməd Əbdüssəlamın Azərbaycan rəsmiləri ilə görüşlər keçirmək üçün ölkəmizə səfərini təşkil etməklə bağlı xahiş ediblər.
Şeyxülislam Allahşükür Paşazadə bunun üçün Azərbaycan dövlətinin müvafiq orqanları ilə görüşəcəyini bildirib.
Dinlərarası pavilyon ilk dəfə Əbu-Dabi şəhərində keçirilən “COP28”də təşkil olunmuşdu.
