Dünya Azərbaycanlılarının Həmrəyliyi Günü və Yeni il bayramı ilə əlaqədar 31 dekabr - 4 yanvar qeyri iş günləri olmasına baxmayaraq, texniki baxış məntəqələri xidmət göstərəcək. Bu barədə bu gün, 27 dekabr tarixində Report Baş Dövlət Yol Polisinin şöbə rəisi, polis polkovnik-leytenantı Namidan Piriyevə istinadən bildirib.
Bayram günlərində Bakının Sabunçu və Qaradağ rayonlarında (Sədərək Ticarət Mərkəzinin yanı) yerləşən Müayinə Mərkəzləri və respublikаnın digər rаyonlаrındаkı texniki baxış şöbələri saat 09:00-dan 18:00-dək fasiləsiz sürücülərin xidmətində olacaq.
