Baş Dövlət Yol Polisi İdarəsi sürücülərə müraciət edib. Bu haqda bu gün, 8 fevral tarixində Bakuplus.az Report-a istinadən xəbər verir.
Bildirilir ki, hərəkətdə olan nəqliyyat vasitəsinin dövlət qeydiyyat nişanlarının aydın görünməsi üçün onun təmiz saxlanılması təmin edilməlidir.
Bu vəzifəyə əməl etməyən hər kəs məsuliyyətə cəlb olunacaq:
“Bəzi sürücülər havaların yağışlı, çiskinli olmasını bəhanə gətirərək avtomobillərinin dövlət qeydiyyat nişanlarının təmizliyinə biganə yanaşır, hətta bilərəkdən nişanların üstünü süni şəkildə çirkləndirməyə çalışırlar. Bu, qətiyyən yolverilməzdir”, - deyə paylaşımda qeyd olunub.
