"Nobel mükafatçıları tədqiqatlarımı da oğurlayıb tədbir keçirdiniz. Tərbiyəm imkan vermir ki, sizə ayıb olsun deyim!"
Bakuplus.az xəbər verir ki, bu sözləri sabiq deputat, təhsil eksperti Etibar Əliyev öz “Facebook” hesabında Azərbaycan Milli Elmlər Akademiyasının (AMEA) prezidenti İsa Həbibbəyliyə müraciət edərək yazıb.
Sabiq deputat qeyd edib ki, elm və təhsil naziri E.Əmrullayev haqlı olaraq alimləri plagiata və ideya oğurluğuna görə qınayır: "AMEA-nın Mərkəzi Elmi Kitabxanasında Azərbaycan Milli Elmlər Akademiyasının Elm Gününə həsr edilmiş tədbir keçirilib. Tədbir çərçivəsində, o cümlədən akademik İsa Həbibbəyli tərəfindən əldə etdikləri elmi nailiyyətlərə və elmin populyarlaşdırılmasına verdikləri töhfələrə görə bir sıra alim, mütəxəssis və jurnalistlərə AMEA-nın Fəxri Fərmanı, AMEA-nın Fəxri diplomu, “İlin gənc alimi” diplomu və Təşəkkürnamələr təqdim edilib.
YOLDAŞ HƏBİBBƏYLİ!
Təvazökarlıqdan uzaq, Azərbaycanda elmin populyarlaşdırılması ideyasının müəllifi mənəm. Bu istiqamətdə 500-dən çox məqalə və 200-ə yaxın kitabın təqdimatını aparmışam.
Xüsusi kitabxana qurmuşam. Bu işə baş qoşmayın, sizlik deyil… Bu ideyanı da basdıracaqsınız. Nobel mükafatçıları tədqiqatlarımı da oğurlayıb tədbir keçirdiniz. Tərbiyəm imkan vermir ki, sizə ayıb olsun deyim! Bəlkə, bilmirsən, UNEC-də ictimai əsaslarla yaradılmış "Elmin populyarlaşdırılması" Mərkəzinin direktoru kimdir? Elm və təhsil naziri E. Əmrullayev sizləri haqlı olaraq plagiatda və ideya oğurluğunda qınayır".
