Tanınmış jurnalist Rasim İsmayılov Xətai rayonu, Məhəmməd Hadi küçəsində qanunsuz tikinti işlərinin aparılmasından narazıdır.
Bakuplus.az xəbər verir ki, o bu barədə öz Facebook statusunda yazıb.
Statusu təqdim edirik: "Əhmədli dəryadır da. Özü də gözdən uzaq, könüldən iraq. Elə bu saat birmərtəbəli obyektin ikinci mərtəbəsi tikilir. Əvvəl Məhəmməd Hadi küçəsinin qırağı ilə yaşıllıq zolağı vardı. Məhv elədilər. Əgər yaşıllıq məhv olubsa niyə də 2 mərtəbəli olmasın? Obyektin üstündə ağac əkməyəcək ki? Əvvəl Xətai Rayon İcra Hakimiyyəti vardı. İndi bilmirəm. Amma Xətai Bələdiyyəsi dəqiq var. Çünki onu da dəqiq bilirəm ki, rayon ərazisində onminlərlə mənzildən bələdiyyə pulu yığır.
Ünvan: Ukrayna meydanından "Əhmədli" metrostansiyasına istiqamət, Məhəmməd Hadi küçəsi".
Ərazidən çəkilmiş fotoları təqdim edirik.
Mövzunu diqqətdə saxlayacağıq.
