Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, yaxın günlərdə ölkə ərazisində hava şəraitinin kəskinləşəcəyi, soyuyacağı, yağıntılı olacağı gözlənilir. Bununla bağlı Azərbaycan Fövqəladə Hallar Nazirliyi gözlənilən hava şəraiti ilə əlaqədar əhaliyə müraciət edib. Bu haqda bu gün, 28 noyabr tarixində Bakuplus.az məlumat verir.
Müraciətdə qeyd olunur ki, belə havalarda qaz və elektrik cihazlarından daha çox istifadə olunur, mənzillərdə və fərdi yaşayış evlərində elektrik naqilləri həddindən artıq yüklənir, üstəlik nasaz, qeyri-standart və kustar üsulla istehsal edilən qaz və elektrik cihazlarından istifadə yanğına səbəb ola bilər.
Bununla bağlı Fövqəladə Hallar Nazirliyi yanğın təhlükəsizliyi qaydalarına ciddi riayət etməyi tövsiyə edir.
Bu həftənin sonuna qədər Bakıda temperaturun 6 dərəcə enəcəyi gözlənilir.
