Fövqəladə Hallar Nazirliyinin (FHN) bir neçə əməkdaşının intim xarakterli video və fotolarının yayılmasında şübhəli bilinən Zaur Mirzəyev tutulub. Bu haqda BakuPlus.az Baş Prokurorluğun mətbuat xidmətinə istinadən bu gün, 18 avqust tarixində xəbər verir.
FHN-in Dövlət Yanğından Mühafizə Xidməti rəisinin köməkçisi, daxili xidmət polkovniki Zaur Mirzəyev xidməti kompüterinə xüsusi proqram quraşdıraraq 2013-cü ildən 2019-cu ilin sonlarınadək iş otağında bir neçə qadınla cinsi əlaqə və digər formalarda intim münasibətdə olmuşdur.
O, həmin qanunsuz pornoqrafik materialların 2022-ci ilin avqust ayında internet şəbəkələrində yayılmasına səbəb olmuşdur.
Zaur Mirzəyev şəxsi həyatın toxunulmazlığını pozma, pornoqrafik materialları və ya əşyaları qanunsuz yayma və vəzifə səlahiyyətlərini aşmaqda ittiham olunur.
İş üzrə Zaur Mirzəyev avqustun 17-də şübhəli şəxs qismində saxlanılıb.
İstintaq-əməliyyat tədbirləri davam etdirilir.
