Fövqəladə Hallar Nazirliyi A.Cəlilov küçəsi, 27a ünvanında yerləşən “Park Azure” kompleksində tikinti və yanğın təhlükəsizliyi standartlarının pozulması faktları ilə bağlı araşdırmalara başlayıb. Bu haqda bu gün, 13 fevral tarixində Bakuplus.az nazirliyin mətbuat xidmətinə istinadən məlumat verir.
Nazirliyə çoxmərtəbəli yaşayış binasının qeyri-yaşayış təyinatlı mərtəbələrində tikinti və yanğın təhlükəsizliyi normaları pozulmaqla yenidənqurma işlərinin aparılması haqqında bina sakinlərindən müraciət daxil olub.
Qanunsuz yenidənqurma işləri dayandırılıb. Bu işlərin binanın dayanıqlığına, möhkəmliyinə və yanğın təhlükəsizliyinə təsiri ilə bağlı FHN-in Əməliyyat-istintaq İdarəsi, Tikintidə Təhlükəsizliyə Nəzarət Dövlət Agentliyi və Dövlət Yanğın Nəzarəti Xidməti tərəfindən araşdırmalara başlanılıb.
[URIS id=90559]
