İyunun 17-də Səhiyyə Nazirliyi və nazirliyin 2 saylı Bakı Tibb Kollecinin birgə təşkilatçılığı ilə “Gənclik Mall”da tibb işçilərinin peşə bayramına həsr olunmuş məlumat-maarifləndirici tədbir keçirilib. Bu haqda bu gün, 17 iyun tarixində Bakuplus.az məlumat verir.
Kampaniya çərçivəsində arzu edənlərin arterial təzyiqi, nəbzin tezliyi, boy və çəkiləri ölçülüb.
Daha sonra 2 nömrəli Bakı Tibb Kollecinin tələbələri və könüllülərin iştirakı ilə “İlkin yardım - ikinci həyata addım!” adlı fləş-mob təşkil olunub. Fləş-mobda tibb kollecinin tələbələri tərəfindən müxtəlif təxirəsalınmaz vəziyyətlərdə tibbi yardımın göstərilməsi, eyni zamanda düzgün gigiyena qaydaları əyani olaraq nümayiş etdirilib.
Həmçinin tədbir zamanı sağlamlıq mövzusunda viktorina keçirilib. Viktorinanın qalibləri mükafatlandırılıblar.
[caption id="attachment_103763" align="alignnone" width="640"]
Foto Səhiyyə Nazirliyinin saytı[/caption]
