Vəhşicəsinə döyülərək gözləri çıxarılan hamilə it baytarlıq klinikasına göndərilib. Bu haqda bu gün, 19 noyabr tarixində Bizim.Media məlumat verib.
Azərbaycan Heyvanların Mühafizəsi İctimai Birliyinin sədri Fərid Mansurov bildirib ki, itə Misti adı verilib. Bu gün Misti Bakı şəhərindəki baytarlıq klinikasına aparılıb və orada heyvanın müalicə tədbirlərinə başlanılıb.
Mansurov, həmçinin qeyd edib ki, hadisə Badamdar qəsəbəsində baş verib. Əməli kimlərin törətdiyi hazırda məlum deyil.
Fərid Mansurovun Azərbaycanda heyvanlara qarşı amansızlıq göstərənlərə qarşı dövlət səviyyəsində tədbirlərin sərtləşdirilməsi ilə bağlı xüsusi təklifləri var.
