Ölkədə sərnişin və sərnişindaşıma ilə bağlı hazırlıq keçməyən sürücülərə buraxılış kartı verilməyəcək. Bu haqda bu gün, 23 fevral tarixində Bakuplus.az Azərbaycan Yerüstü Nəqliyyat Agentliyinə (AYNA) istinadən xəbər verir.
Taksi minik avtomobilləri ilə sərnişindaşıma xidməti göstərən, lakin buraxılış vəsiqəsi və buraxılış kartı olmayan şəxslər, eləcə də icazəsi olmayan şəxslərə sifariş ötürən taksi sifarişi operatorları cərimələnəcəklər.
Buraxılış kartı və buraxılış vəsiqəsi portal üzərindən elektron qaydada veriləcək. Buraxılış kartının alınması üçün əsas sənədlərdən biri sürücülərin etik davranış və avtomobil idarəetməsi ilə bağlı hazırlıq keçməsini təsdiq edən şəhadətnamədir. Bu sənədi almaq üçün sürücülər AYNA-nın Təlim-Tədris Mərkəzinə müraciət etməlidirlər.
Hazırlıq keçməyən sürücülərə buraxılış kartı verən vəzifəli şəxslər 300 manat, hüquqi şəxslər 1200 manat cərimə ediləcəklər.
