Bakının Heydər Əliyev prospektində aparılan təmir işlərinə görə sıxlıq müşahidə olunur. Bu haqda bu gün, 20 oktyabr tarixində Bakuplus.az Nəqliyyatı İntellektual İdarəetmə Mərkəzinin mətbuat xidmətinə istinadən məlumat verir.
İşlər əsas və köməkçi yollarda aparılır.
Azərbaycan Avtomobil Yolları Dövlət Agentliyindən (AAYDA) əldə olunan məlumata görə, ötən gün axşam saatlarında həmin ərazidə yük maşını idarəetmədən çıxaraq prospektdə olan yan yolla tuneli ayıran divara çarpılıb. Nəticədə divarın bir hissəsi dağılıb. Hadisə yerinə AAYDA-nın əməkdaşları cəlb olunublar, divarın bərpasına başlanılıb.
Aparılan təmir-bərpa işləri ilə əlaqədar olaraq sürücülərdən sözügedən ərazidə hərəkətdə olarkən diqqətli olmaları, müvəqqəti yol nişanlarının tələblərinə və yol hərəkəti qaydalarına riayət etmələri xahiş olunur.
[video width="1280" height="720" mp4="https://bakuplus.az/storage/photos/2023/10/video_2023-10-20_11-50-48.mp4"][/video]
