Bakıda, Şəhidlər xiyabanında 20 Yanvar faciəsinin 33-cü ildönümü ilə əlaqədar hazırlıqlar aparılır. Bu haqda bu gün, 17 yanvar tarixində Bakuplus.az məlumat verir.
Xiyabanın ərazisində mütəxəssislərin və landşaft dizaynerlərinin iştirakı ilə ənənəvi olaraq qərənfillərdən xüsusi kompozisiyalar hazırlanır.
Bakı Şəhər İcra Hakimiyyətinin strukturları tərəfindən geniş təmizlik və abadlıq işləri aparılır, ağaclara qulluq edilir, qazon yenilənir, yeni güllər əkilir, işıq dirəkləri rənglənir, səkilər və bütün ərazi yuyulur. Ərazidə, həmçinin nasaz olan eskalatorlar təmir edilir.
İşlərin yanvarın 19-da başa çatdırılması nəzərdə tutulub.
[URIS id=87175]
