Bakıdakı 49 nömrəli “İntellekt” məktəb-liseyinin direktoru ilə bağlı yenə şikayət var. Bu haqda bu gün, 19 iyul tarixində Bakuplus.az Baku.ws-ə istinadən məlumat verir.
İddialara görə, məktəb direktoru Təhminə Əsədova təhsil müəssisəsində öz qohumlarını işə düzəldir, eyni zamanda pul müqabilində şagird yerlərini satır. Nəticədə orada təhsil almaq istəyən şagirdlər məktəbə daxil ola bilmirlər.
[caption id="attachment_106767" align="alignnone" width="640"]
Foto açıq mənbədən[/caption]
Məsələ ilə bağlı Bakı Şəhəri üzrə Təhsil İdarəsindən araşdırmalara başlanıldığı bildirilib.
Cari ilin fevral ayında 49 nömrəli “İntellekt” məktəb-liseyinin ingilis dili müəllimi Könül Həsənova rəhbərlik etdiyi sinfin valideyn qrupuna səs ataraq valideynlərdən pul tələb edib. Hadisə ilə bağlı məktəb direktoruna Əmək Məcəlləsinin 186-cı maddəsinin 2-ci hissəsinin “b” bəndinə əsasən, sonuncu xəbərdarlıqla şiddətli töhmət verilib. Araşdırmadan sonra onun məktəbdə qalıb-qalmaması məlum olacaq.
Həmçinin məlum olub ki, Təhminə Əsədovanın bacısı Tərminə Əsədova da məktəb direktoru vəzifəsində çalışır. O, şəhid Tərlan Heybətovun adını daşıyan 126 nömrəli tam orta məktəbin direktorudur.
