Bakının Nizami rayonu, Keşlə qəsəbəsində Şah Abbas məscidinin əsaslı təmir işlərinə başlanılıb. Bu haqda bu gün, 28 fevral tarixində Qafqazinfo məlumat verib.
Prezident İlham Əliyevin tapşırığına əsasən, XVII əsrə aid olan Şah Abbas məscidinin əsaslı təmiri və yeni minarənin tikintisi işlərinə başlanılıb. İşlər Rayon İcra Hakimiyyəti tərəfindən həyata keçirilir.
Layihəyə uyğun olaraq, məscidin bərpa və perimetri boyunca gücləndirmə işləri aparılır. Məscidin yeni minarəsinin və köməkçi binalarının inşası üçün dəmir-beton işləri görülür.
Məscidin yerləşdiyi Kamran Əfkari küçəsində də abadlıq işləri görüləcək. Küçədə mövcud tikililərin fasadlarının, səkilərin, işıq dirəklərinin, asfalt örtüyünün yenilənməsi nəzərdə tutulur.
