Müğənni həyat yoldaşını qətlə yetirən şəxsin məhkəməsi davam edir. Bu haqda bu gün, 31 yanvar tarixində Bakuplus.az APA-ya istinadən xəbər verir.
Təqsirləndirilən şəxs Anar Həşimovun sözlərinə görə, arvadı Yaqut Həşimovanın mobil telefonunun WhatsApp proqramında başqa şəxslərə mesajlar yazdığını görüb. Təqsirləndirilən şəxs bu barədə həyat yoldaşına iradını bildirsə də, həyat yoldaşı onun işlərinə qarışmamasını tələb edib.
Bundan sonra onların arasında mübahisə baş verib. Anar öncə Yaqutu döyüb, daha sonra bıçaqla qarın, boğaz, döş qəfəsi və digər nahiyələrinə zərbələr vurub. Sonda A.Həşimov qadını ölənə qədər izləyib. Yaqut Həşimova qanaxmadan vəfat edib.
Anar Həşimov özünü təqsirli bildiyini deyib.
Növbəti iclas 14 fevral tarixində baş tutacaq.
