Kliniki Tibbi Mərkəzin tabeliyinə 2 xəstəxana verilib. Bu haqda bu gün, 29 dekabr tarixində Bakuplus.az TƏBİB-ə istinadən xəbər verir.
K.Y.Fərəcova adına Elmi-Tədqiqat Pediatriya İnstitutunun tərkibinə daxil olan Uşaq Nevroloji Xəstəxanası və Uşaq Bərpa Mərkəzi Kliniki Tibbi Mərkəzin nəzdində fəaliyyət göstərəcək.
Bu haqda Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov əmr imzalayıb.
Uşaq Nevroloji Xəstəxanasında 10 şöbə və 80 nəfər tibb personalı fəaliyyət göstərir, Uşaq Bərpa Mərkəzində isə 5 şöbə və 96 nəfər tibb personalı çalışır.
