Seçki bülletenlərinin paylanılmasına start verilib. Bu haqda bu gün, 30 yanvar tarixində Bakuplus.az Mərkəzi Seçki Komissiyasına istinadən xəbər verir.
Milli Məclisin Mətbəəsində seçki bülletenlərinin dairə seçki komissiyalarına paylanmasına başlanılıb. Prosesdə beynəlxalq təşkilatlar, seçki müşahidə missiyaları, media nümayəndələri və maraqlı seçki subyektlərinin prosesi yaxından izləyə bilmələri üçün hər cür şərait yaradılıb.
İlk gün – 30 yanvar tarixində bülletenlər Naxçıvan Muxtar Respublikasına, işğaldan azad olunmuş ərazilərə, eləcə də ucqar bölgələrə göndərilib. Növbəti 2 gün ölkənin digər bütün seçki dairələrinə təhvil verilməsi nəzərdə tutulub.
Mərkəzi Seçki Komissiyası tərəfindən 6 milyon 524 min 203 seçki bülleteni çap olunub.
