Azərbaycan Prezidenti İlham Əliyev Anar Kərimovun mədəniyyət naziri vəzifəsindən azad edilməsi haqqında Sərəncam imzalayıb. Bu haqda bu gün, 22 dekabr tarixində Azərbaycan Respublikası Prezidentinin mətbuat xidməti məlumat verib.
Dövlət başçısının digər sərəncamları ilə Adil Kərimli Heydər Əliyev Mərkəzinin direktorunun birinci müavini vəzifəsindən azad edilərək mədəniyyət nazirinin birinci müavini təyin edilib. Mədəniyyət nazirinin səlahiyyətlərinin müvəqqəti icrası da ona həvalə edilib.
Anar Kərimov 20 iyul 2020-ci ildə mədəniyyət nazirinin birinci müavini təyin edilmişdir, ona müvəqqəti olaraq mədəniyyət naziri vəzifəsini icra etmək səlahiyyəti həvalə edilmişdir. 2021-ci il yanvarın 5-də isə mədəniyyət naziri təyin edilib.
