Akademik Milli Dram Teatrının mətbuat katibi Cavid Zeynallı və Mədəniyyət Nazirliyinin rəsmisi Nurida Allahyarova qocaman Xalq artistlərinin işdən çıxarılması ilə bağlı açıqlama verərək məlumatı təkzib edib. Bu haqda bu gün, 9 dekabr tarixində Bakuplus.az məlumat verib.
“Akademik Milli Dram Teatrında çalışan sənətkarların – Xalq artistləri Ramiz Məlikin, Səidə Quliyevanın, Əli Nurun və Hacı İsmayılovun işdən çıxarılması haqqında yayılan xəbərlər doğru deyil”, - Cavid Zeynallı öz Facebook səhifəsində yazıb.
“Vaxtilə təqaüdə çıxan aktyorlarla bağlı məsələyə aydınlıq gətirərək bildirim ki, saytlarda adları çəkilən tanınmış aktyorlarımızın son 2 ildə işdən çıxarılması ilə bağlı fikirlər həqiqətə uyğun deyil. Adları çəkilən aktyorlarla çalışdığı teatrlar arasında müqavilələr mövcuddur və bu müqavilələrə əsasən, sevilən aktyorlarımız bu gün də səhnədədirlər. Hacı İsmayılov, Əli Nur və Səidə Quliyeva müqavilə ilə teatrda çalışırlar”, - öz Facebook səhifəsində nazirliyinin mətbuat katibi Nurida Allahyarova bildirib.
O, həmçinin qeyd edib ki, media nümayəndələri onun dünənki açıqlamasını düzgün anlamayıblar. Nazirliyin rəsmisi konkret sənət adamlarından deyil, ümumilikdə Milli Məclisin qəbul etdiyi qanundan danışıb.
