Mənzil İnşaatı Dövlət Agentliyi (MİDA) növbəti dəfə Yasamal rayonu və Hövsan qəsəbəsində mənzillərin güzəştli satışına başlayıb. Bu haqda bu gün, 20 iyun tarixində Bakuplus.az MİDA-ya istinadən məlumat verir.
Məlumata görə, satışa aşağıdakılar çıxarılacaq:
- Bakı şəhəri, Yasamal rayonu, Xarici dairəvi yol, 6 ünvanında yerləşən Yasamal yaşayış kompleksində 436 mənzil;
- Bakı şəhəri, Suraxanı rayonu, Hövsan qəsəbəsi, Aeroport-Zığ avtomobil yolunun 8-ci km-də yerləşən Hövsan yaşayış kompleksində 510 mənzil.
Həmçinin Gəncə şəhərində də 243 mənzil satışa çıxarılır.
Satışlar 29 iyul saat 11:00-da açılacaq və 11 avqust saat 11:00-a qədər davam edəcək.
