Bakı Apellyasiya Məhkəməsində insan alverində təqsirləndirilən Pəri Abbasovanın hökmündən verilən apellyasiya şikayətinə baxılması başa çatıb. Bu haqda bu gün, 27 yanvar tarixində Bakuplus.az Oxu.az-a istinadən məlumat verir.
Hakim Həsən Əhmədovun sədrliyi ilə keçirilən prosesdə qərar elan olunub. Məhkəmə apellyasiya şikayətini təmin etməyib.
Pəri Abbasova insan alverində şübhəli bilinərək Daxili İşlər Nazirliyinin əməkdaşları tərəfindən saxlanılıb. Araşdırma zamanı müəyyən edilib ki, Abbasova qadınları aldadaraq, hədələyərək ölkədən kənara çıxarıb. Əllərindən pasportlarını alaraq, o, həmin qadınları cinsi istismara məruz qoyub.
Bakı Ağır Cinayətlər məhkəməsinin hökmünə əsasən, qadın 8 il 3 ay müddətinə azadlıqdan məhrum edilib.
