Əməkdar artist Bakı Xoreoqrafiya Akademiyasının prorektorunu məhkəməyə verib. Bu haqda bu gün, 14 may tarixində Bakuplus.az Apa-ya istinadən xəbər verir.
Azərbaycan Dövlət Mədəniyyət və İncəsənət Universitetinin (ADMİU) sabiq kafedra müdiri Fərhunə Atakişiyeva indiki prorektor Elmira Pənahovadan şikayət edib.
İddiaya görə, E.Pənahova çalışdığı akademiyanın əməkdaşlarının üzv olduğu WhatsApp qrupunda F.Atakişiyevanın ADMİU-dan rüşvətə görə qovulduğu barədə yazılmış məqaləni paylaşaraq, onu nüfuzdan salmaq istəyib.
Bir neçə ay davam edən məhkəmədə ittiham olunan şəxsin günahsız olduğu elan olunub.
Belə ki, sözügedən məqalədə rüşvətlə bağlı məlumat və onun təkzibi dərc olunub. Bu da Fərhunə Atakişiyevaya qarşı böhtan atılmadığı anlamına gəlir.
