Paytaxtın Xəzər rayonu, Mərdəkan qəsəbəsində əmək yarmarkası keçiriləcək. Bu haqda bu gün, 6 may tarixində Bakuplus.az Dövlət Məşğulluq Agentliyinə istinadən xəbər verir.
“OBA” marketinin təşkil etdiyi əmək yarmarkasında 50 vakansiyanın təqdim olunduğu bildirilir.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Əgər CV-niz yoxdursa, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlana bilərsiniz.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Yarmarka 11 may saat 10:00-13:00 arası baş tutacaq. Ünvan: Bakı şəhəri, Xəzər rayonu, Mərdəkan qəsəbəsi, B.Əliyev küçəsi, 70 (Mərdəkan bələdiyyəsinin inzibati binası).
