Mərkəzi Dəmiryol Xəstəxanasının Əmək və Əhalinin Sosial Müdafiəsi Nazirliyinin balansına keçməsi ilə bağl bəzi məlumatlar açıqlanıb. Bu haqda bu gün, 16 yanvar tarixində Bakuplus.az Oxu.az-a istinadən məlumat verir.
Nazir müavini Anar Əliyevin sözlərinə görə, xəstəxanada bütün müasir tələblərə cavab verən reabilitasiya mərkəzi olacaq. Eyni zamanda xəstəxanada hərbi xidmətə çağırışla bağlı tibbi müayinələr keçiriləcək.
14:20 - Mərkəzi Dəmiryol Xəstəxanası bağlanıb: açıqlama verilib
Bakıda “Azərbaycan Dəmir Yolları” QSC-nin (AZD) tabeliyində olan Mərkəzi Dəmir Yolu Xəstəxanası bağlanıb. Bu haqda bu gün, 16 yanvar tarixində Bakuplus.az Oxu.az-a istinadən məlumat verir.
Tibb mərkəzi bağlandığından həkimlər müxtəlif xəstəxanalara işləməyə gediblər.
Xəstəxananın sözçüsü Sənubər Nəzərovanın verdiyi məlumata görə, Nazirlər Kabinetinin 14 dekabr 2023-cü il tarixli 945s nömrəli sərəncamına əsasən, qurumun Həkim-Sanitar Xidmətinin Mərkəzi Dəmiryol Xəstəxanasının balansında olan bir sıra dövlət əmlakları Əmək və Əhalinin Sosial Müdafiəsi Nazirliyinin balansına verilib. Hazırda bununla əlaqədar aidiyyəti dövlət qurumları ilə birgə təhvil-təslim işləri aparılır.
