Mərkəzi Nəbatat bağının yeni görünüşünün maketi ictimaiyyətə təqdim olunub. Bu haqda bu gün, 21 yanvar tarixində Bakuplus.az məlumat verir.
38 hektarlıq bağın memarlıq layihəsi Britaniyanın “MB Architects” şirkəti tərəfindən hazırlanıb. Həmin şirkət daha öncə Çəmbərəkənd və Nizami Gəncəvi parklarının da yenidənqurma layihələrini uğurla həyata keçirib. Tikinti işləri artıq başlanıb.
Ərazidə olan köhnə binalar yenidən qurularaq institut və onun istixanaları kimi yenisi ilə əvəz ediləcək. Layihələndirmə prosesində əsas məqam diqqətə alınıb ki, sahənin mövcud yaşıllıq hissəsinə, eləcə də gələcək yaşıllıq proqramlarına daha az təsir göstərilsin.
Ötən ilin 5 may tarixində Prezident İlham Əliyev Mərkəzi Nəbatat Bağında abadlıq, yenidənqurma və tikinti işlərinin həyata keçirilməsi üçün 25 milyon manat ayrılması ilə bağlı Sərəncam imzalayıb.
[URIS id=87764]
