Yenilənib:
Yenidənqurma işləri çərçivəsində Mirzəağa Əliyev və Bəşir Səfəroğlu küçələrinin arasında yerləşən 6,4 hektar ərazi təmizlənərək abadlaşdırılıb, 57.500 kubmetrdən çox münbit torpaq gətirilib. Parkın 4 hektar ərazisində 19 növdə 2764 ağac, 20 mindən çox gül və kol bitkiləri əkilib.
Həmçinin ərazidə müasir işıqlandırma sistemi və infrastrukturun bir mərkəzdən idarə olunması üçün təhlükəsizlik kameraları quraşdırılıb, 2 istirahət və oyun meydançaları yaradılıb, iki açıq kafe, bir fəvvarə kompleksi inşa edilib.
Avtomobillər üçün isə açıq dayanacaq yaradılıb, parkın 1-ci hissəsi ilə 2-ci hissəsini bilərşdirən yeraltı piyada keçidi tikilib.
Bundan əlavə parkın ətrafında yerləşən Mirzəağa Əliyev, Bəşir Səfəroğlu və Çingiz Mustafayev küçələri də paralel olaraq əsaslı təmir olunub.
Beləliklə, Mərkəzi Parkın ümumi sahəsi 26,4 hektara, uzunluğu isə 5,4 kilometrə çatdırılıb. Burada 18 hektarlıq yaşıllıq sahə, 7 uşaq meydançası, 2 idman meydançası, 6 fəvvarə kompleksi, 190 avtomobillik açıq, 347 avtomobillik isə qapalı dayanacaq mövcuddur.
Parkın 1-ci hissəsi 2019-cu ildə sakinlərin istifadəsinə verilmişdir.
10:02 - Mərkəzi parkın açılışı baş tutub
Bakıda yerləşən Mərkəzi parkın açılışı baş tutub. Bu haqda bu gün, 30 dekabr tarixində Bakuplus.az Prezidentin rəsmi saytına istinadən xəbər verir.
Paytaxtın mərkəzində yerləşən Mərkəzi parkın ikinci hissəsinin inşası yekunlaşıb. Prezident İlham Əliyev açılış mərasimində iştirak edib.
[URIS id=85299]
