DİN Manaf Ağayevin “Mercedes” markalı avtomobilinin qanunsuz saxlanılması barədə açıqlama verib. Bu haqda BakuPlus.az Baku.ws-ə istinadən bu gün, 2 aprel tarixində xəbər verir.
Sosial şəbəkələrdə Manaf Ağayevin avtomobilinin qanunsuz saxlanılması barədə məlumatlar yayılıb.
Daxili İşlər Nazirliyinin mətbuat xidmətinin rəhbəri Elşad Hacıyev Manaf Ağayevin vəkilinin iddialarının əsassız olduğunu bildirib.
"Manaf Ağayevin avtomobilinin polisin müvəqqəti dayanacaqda saxlanılması ilə bağlı vəkil Adəm Məmmədovun iddiaları həqiqəti əks etdirmir. Avtomobil Manaf Ağayevin barəsində təsdiq olunmuş inzibati tənbeh tədbiri ödənildikdən dərhal sonra müğənniyə təhvil verilib", - DİN rəsmisi vurğulayıb.
