Masazır qəsəbəsi, Abşeron küçəsi 6 saylı məktəbin ətrafındakı yollar bərbad vəziyyətdədir.
Bu barədə Bakuplus.az-a sakinlər məlumat veriblər.
Sakinlərin sözlərinə görə, yol kənarında olan tullantı konteynerlərinin içi zibillə dolub-daşır. Bildirilir ki, ətrafı daim pis qoxu, üfunət bürüyür.
Bundan əlavə, ərazidə sahibsiz itlərin sayı artıb.
Valideynlər bildirirlər ki, uşaqlar dərsə gedib-gələrkən itlərdən qorxurlar.
Sakinlər dəfələrlə məsələ ilə bağlı müraciət etsələr də, indiyədək aidiyyəti qurumlar tərəfindən heç bir tədbir görülməyib.
Onlar məsul qurumlardan məktəb yolunun təmizlənməsini, itlərin isə təhlükəsiz şəkildə ərazidən götürülməsini tələb edirlər.
