Medianın İnkişafı Agentliyi tərəfindən “Media etikası - jurnalist peşəkarlığının əsas prinsipidir” mövzusunda onlayn konfrans keçirilib. Bu haqda 12 oktyabr tarixində APA xəbər verib.
Agentliyin İcraçı direktoru Əhməd İsmayılov konfransın diqqətdən kənarda qalmış region mediasının da prosesə cəlb olunduğunu bildirib.
Milli Televiziya və Radio Şurasının sədri İsmət Səttarov özəl televiziyalarla bağlı irad və problemlər haqqında danışıb.
MTRŞ-nın Aparat rəhbəri Fazil Novruzov medianın bütün proseslərə təsir etdiyini bildirib.
MEDİA Agentliyinin şöbə müdiri Natiq Məmmədli bildirib ki, cəmiyyət qarşısında məsuliyyət daşıyan jurnalist işinə hörmətlə yanaşmalı, təmsil etdiyi orqanı təhlükə qarşısında qoymamalı, etik normaları gözləməlidir.
Sonra Bakı Dövlət Universitetinin Jurnalistika fakültəsinin dekanı Vüqar Əliyev “Beynəlxalq jurnalistikada peşə etikası” mövzusunda təqdimatla çıxış edib.
Onlayn konfrans geniş müzakirələrlə davam edib, bir sıra təkliflər irəli sürülüb.
