Bakıda yeni terminallar yerləşdirilib. Bu haqda bu gün, 5 mart tarixində Bakuplus.az Report-a istinadən xəbər verir.
Əlavə yükləmə terminalları "Bakı Metropoliteni" QSC-nin iki stansiyasının texniki zonasında quraşdırılıb. Buna səbəb “Sahil” və “28 May” stansiyalarında zəruri ehtiyacın yaranması olub. “BakıKart” plastik kartlarının yüklənməsi ilə bağlı metro istifadəçisi olmayan sərnişinlərin rahatlığını təmin etmək məqsədilə girişlərə yaxın olan texniki zonaların hər birində əlavə 2 ədəd yükləmə terminalı yerləşdirilib. Bu da vətəndaşlara metropolitenə daxil olmadan kartın alınması və gediş haqqının yüklənməsi ilə bağlı rahatlığını təmin edəcək.
Hazırda digər istiqamətlər və məsələlər üzrə monitorinqlər və tədbirlər aparılır. Həmçinin gediş haqqının yeni ödəmə üsulları və imkanlarının, karta vəsaitin daha çeşidli vasitələrlə yüklənməsi, elektron imkanların yeni tətbiqlərlə genişləndirilməsi və s. istiqamətlərdə işlər görülür.
