Paytaxtın Yasamal rayonu, Mikayıl Müşfiq küçəsində bu gündən etibarən avtomobillərin hərəkəti qismən məhdudlaşdırılacaq. Bu haqda bu gün, 1 iyul tarixində Bakuplus.az Azərbaycan Avtomobil Yolları Dövlət Agentliyinə istinadən məlumat verir.
Məhdudiyyət küçənin İsmayıl bəy Qutqaşınlı küçəsindən Mətbuat prospektinədək olan hissəsində təmir işləri bitənədək qüvvədə olacaq.
Sürücülərdən aparılan işlərə anlayışla yanaşmaları, təmir müddətində sözügedən hissədə hərəkətdə olarkən diqqətli olmaları, təmir ərazisində qoyulacaq müvəqqəti yol nişanlarının tələblərinə və yol hərəkəti qaydalarına riayət etmələri xahiş olunur.
