Model sevgilisi Razini döyən şəxsin növbəti məhkəməsi keçirilib. Bu haqda bu gün, 6 mart tarixində Bakuplus.az Qafqazinfo-ya istinadən xəbər verir.
Bakı Ağır Cinayətlər Məhkəməsində keçirilən iclasda Ziya Hüseynzadə ilə bağlı ittiham akti elan edilib.
Ziya “Avropa Yenidənqurma və İnkişaf Bankı”ndan 2 milyon ABŞ dolları və 5 milyon 600 min avro, “Muğan Bank”dan 2 milyon 30 min ABŞ dolları, digər qurumdan isə 260.000 avro pulu müxtəlif səbəblərlə götürərək mənimsəməkdə ittiham olunur.
Ziya Hüseynzadə bu ittihamda özünü təqsirli bilməyib. Əgər ittiham təsdiqini taparsa, Z.Hüseynzadə 20 il müddətinə qədər azadlıqdan məhrum edilə bilər.
Növbəti iclas 13 mart tarixində baş tutacaq.
Digər cinayət işi üzrə araşdırmalar isə davam edir. Burada Hüseynzadə əzab verməkdə, xuliqanlıqda, oğurluqda və digər cinayətlərdə ittiham edilir.
