Azərbaycan Yerüstü Nəqliyyat Agentliyi Xaqani bağı ilə bağlı açıqlama verib.
Monitorinq zamanı məlum olub ki, günün pik saatlarında parkın ətrafına saatda 800-dək nəqliyyat vasitəsi daxil olurdu. Avtomobillərin 90%-i sadəcə dövrə vurduqdan sonra həmin ərazini tərk edirdi.
Bundan əlavə, pik vaxtlarda ərazidən 6000 nəfər piyada keçir. Sorğuya əsasən, sakinlər bağ və ətraf küçələrə, əsasən, piyada və metrodan istifadə edərək gəlirlər.
Bunların hamısını nəzərə alaraq Rəsul Rza, Xaqani və Qoqol küçələrində avtomobillərin hərəkəti məhdudlaşdırılıb, ancaq Xaqani küçəsində parklanma yerləri təşkil olunub.
Növbəti mərhələdə həftə sonları yaxınlıqdakı küçələrdə də avtomobillərin hərəkəti məhdudlaşdırılacaq və bu ərazilər də piyadaların istifadəsinə veriləcək.
13:36 - Molokan bağı avtomobillər üçün məhdudlaşdırılıb - VİDEO
Molokan bağının ətrafı bağlanıb. Bu haqda bu gün, 4 mart tarixində Bakuplus.az “İnsan yönümlü şəhərlər” Facebook səhifəsinə istinadən xəbər verir.
Şəhərin mərkəzində, “Xaqani bağı” adlanan ərazidə avtomobillər üçün dairəvi hərəkət məhdudlaşdırılıb. Bununla bağlı yola maneələr quraşdırılıb.
Sözügedən küçədə avtomobil axını piyadaların hərəkətinə ciddi maneələr yaradırdı.
[video width="1056" height="592" mp4="https://bakuplus.az/storage/photos/2024/03/avtosfer.mp4"][/video]
