“Mover.az” daşıma şirkəti Amerikadan gələn bağlamaların gecikmə səbəbini açıqlayıb. Bu haqda bu gün, 15 dekabr tarixində Bakuplus.az şirkətə istinadən xəbər verir.
Şirkət bildirir ki, bağlamaların gecikmə səbəbi “Silk Way” aviaşirkətinin onları gətirməkdən imtina etməsidir.
“Uzun müddətdir əməkdaşlıq etdiyimiz, ABŞ-dən daşımaları həyata keçirən “Silk Way” şirkəti və onların agenti kimi çıxış edən xarici şirkətlər bağlamaların Bakı anbarına göndərilməsindən imtina edirlər. Səbəb kimi onlar “Mover”-ə aid bağlamaların daşınmasına məhdudiyyət qoyulduğunu bildirirlər”, - deyə şirkət öz rəsmi İnstagram səhifəsindən paylaşım edib.
Həmçinin daşıma şirkəti əməkdaşlıq dövrü ərzində 2 şirkət arasında mübahisə olmadığını əlavə edib.
Bununla bağlı “Mover.az”-ın ABŞ-dəki anbarı 15 dekabr 2022-ci il tarixindən etibarən 1 aprel 2023-cü il tarixinə qədər fəaliyyət göstərməyəcək. 15 yanvar 2023-ci il tarixindən sonra isə sifariş olunan bağlamalar barəsində şirkət məsuliyyət daşımayacaq.
Hazırda ABŞ-də qalan bütün bağlamaların isə Bakıya gətiriləcəyinə dair şirkət söz verib.
