Gündəlik ən çox sərnişinləri Bakı metrosunun “28 May” stansiyası qəbul edir, ona yaxın göstəriciləri isə “Koroğlu” stansiyası göstərir. Bu barədə bu gün, 26 dekabr tarixində "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov məlumat verib.
Onun sözlərinə görə, əvvəllər “28 May” stansiyası rekord sayda sərnişin qəbul edirdisə, indi “Koroğlu” öz potensialına görə rekordçuya çatır.
Metropoliten rəsmisi əlavə edib ki, sərnişin axınının ən az olduğu stansiyaların da adları məlumdur: “Dərnəgül”, “Ulduz”, “Bakmil” və “Memar Əcəmi” stansiyaları.
