Nərimanov rayonunda ağacların dibinə mazut tökürlər. Bu haqda bu gün, 24 iyun tarixində Bakuplus.az Xəzər Xəbər-ə istinadən məlumat verir.
Hadisə Əhməd Rəcəbli və Fətəli xan Xoyski kücələrinin kəsişməsində baş verib. Sakinlərin sözlərinə görə, hansısa sahibkar ərazidə obyekt tikmək istəyir. Bu səbəbdən də illərin ağaclarına neft məhsulu töküb onları qurutmaq istəyirlər.
“Həyətimiz çox gözəldir. 2-3 gün əvvəl gecə saatlarında kimsə gəlib bura məhlul töküb. Biz də təmizlədik su verdik ağaclara ki, qurumasınlar”, - deyə sakinlər bildirirlər.
Ekologiya Nazirliyi məsələ ilə bağlı araşdırma aparılacağını bildirib.
