Nəsimi rayonunda yerləşən tarixi abidələrə müdaxilə olunub. Bu haqda bu gün, 26 dekabr tarixində Bakuplus.az Mədəni İrsin Qorunması, İnkişafı və Bərpası üzrə Dövlət Xidmətinə istinadən xəbər verir.
Söhbət Nəsimi rayonu, Bülbül prospekti, 63 ünvanında yerləşən binadan gedir. Tarixi tikilinin 1-ci mərtəbəsində fəaliyyət göstərən obyektin sahibi binanın fasad hissəsində rənglənmə işləri aparıb.
Bundan əlavə, Nəsimi rayonu, Süleyman Ələsgərov və 28 May küçələrinin kəsişməsində yerləşən memarlıq abidəsində qanunsuz təmir işlərinin aparıldığı aşkar olunub. Belə ki, zirzəmidən yuxarı mərtəbəyə beton qatın kəsilərək pilləkən yığılması, yükdaşıyıcı divarların deşilərək havalandırma borularının quraşdırılması qeydə alınıb.
Hər 2 faktla bağlı qanunamüvafiq tədbirlər görülüb, sahibkarlar məsuliyyətə cəlb olunublar.
[URIS id=124525]
