Vətən müharibəsi şəhidlərinin xatirəsinə yaradılmış Zəfər bağına baxış keçirilib. Bu haqda 27 avqust tarixində Bakuplus.az Nəsimi Rayon İcra Hakimiyyətinə istinadən xəbər verir.
Nəsimi rayonu, 4-cü mikrorayonda Vətən müharibəsi şəhidlərinin əziz xatirəsinə salınmış Zəfər bağına Nəsimi RİH-nin başçısı və nümayəndələri tərəfindən baxış keçirilib.
Növbəti baxış zamanı bağda ərazinin sanitar təmizliyi, yaşıllıq zolaqlarının və oturacaqların ümumi vəziyyəti ilə tanış olunub, eyni zamanda Zəfər bağının daim nəzarətdə saxlanılması üçün aidiyyəti şəxslərə müvafiq tövsiyələr verilib.
Zəfər bağının ümumi sahəsi 1 hektardır. Burada yeni tamet örtüyü döşənib, işıqlandırma sistemi dəyişdirilib, yaşıllıqlar bərpa edilib, eləcə də ərazidə yeni ağaclar və gül-çiçəklər əkilib. Parkın mərkəzində şəhidlərə həsr olunmuş xatirə kompleksi inşa olunub.
[caption id="attachment_66249" align="alignnone" width="800"]
Foto Nəsimi Rayon İcra Hakimiyyətinin rəsmi saytı[/caption]
