Kəmaləddin Heydərov Aygün Bəylərin övladının təhsil haqqını ödəyib. Bu haqda bu gün, 20 fevral tarixində Bakuplus.az sosial şəbəkələrə istinadən xəbər verir.
Fövqəladə hallar naziri Kəmaləddin Heydərov mərhum Əməkdar artist Aygün Bəylərin qızı Canan Hümmətovanı himayəsinə götürüb. Məlumata əsasən, nazir yeniyetmənin təhsil xərclərini qarşılayıb.
O, Bakı şəhərində yerləşən 20 saylı məktəb-liseydə 8-ci sinifdə təhsil alan Canana bundan sonra Avropa Azərbaycan Məktəbində oxumasını məsləhət görüb. Heydərov mərhum sənətçinin qızının buradakı təhsil haqqını da ödəyib.
Qeyd edək ki, Aygün Bəylər Kəmaləddin Heydərovun bəstələdiyi “Qalanı xatirədir”, “Özün günahkarsan”, “İlahi”, “Nə Yaxşı ki, Sən Varsan” adlı məşhur mahnıların ifaçısı olub.
