Neftçinin sabiq prezidenti təyinat alıb. Bu haqda bu gün, 20 fevral tarixində Bakuplus.az AFFA-ya istinadən xəbər verir.
UEFA Orxan Hüseynzadəyə yeni vəzifə verib. O, Polşada "Legiya" və Norveçin "Molde" komandaları arasında keçiriləcək Konfrans Liqasının pley-off mərhələsinin cavab oyununda UEFA nümayəndəsi olacaq.
Qeyd edək ki, Orxan Hüseynzadə 1992-2001-ci illərdə Azərbaycan Respublikasının Konstitusiya Məhkəməsində çalışıb. 2004-cü ildə AFFA Beynəlxalq Əlaqələr Şöbəsinin baş mütəxəssisi vəzifəsində işləyib. 2007-2011-ci illərdə həmin şöbənin direktoru olub. 2017-2018-ci illərdə isə “Neftçi” PFK-nın prezidenti vəzifəsini icra edib.
