Hərbi Xidmətə Çağırış üzrə Dövlət Xidmətinin Bakı şəhəri Nizami Rayon İdarəsinin vəzifəli şəxsi saxlanılıb. Bu haqda bu gün, 7 mart tarixində Bakuplus.az Baş Prokurorluğa istinadən xəbər verir.
İdarənin Çağırış şöbəsinin baş zabiti Hümbət Nəbiyevin vətəndaşdan rüşvət tələb etməsi və alması ilə bağlı cinayət işi başlanılıb.
Hümbət Nəbiyevin əvvəlcə vətəndaşa müvəqqəti olaraq möhlət verilməsinə görə, daha sonra isə həmin şəxsə yararsız olması ilə bağlı hərbi bilet verməyə görə pul aldığı ilə bağlı şübhələr yaranıb.
Onun barəsində həbs qətimkan tədbiri seçilib. Araşdırmalar davam edir.
