Şağan Olimpiya İdman Kompleksində öldürülən yeniyetmənin atası sükutu pozub. Bu haqda bu gün, 30 noyabr tarixində Bakuplus.az Baku TV-yə istinadən xəbər verir.
Mərhum Turan Rüstəmovun atası Zəka Rüstəmov Yevlax rayonunun Salahlı kəndində yaşayır. Rüstəm isə anası ilə Mingəçevirdə qalırdı. Yarışdan 10 gün əvvəl ata özü oğlunu Bakıya yola salıb.
“Dostları mənə dedilər ki, Rüstəm yarışdan çıxıb tribunada oturmuşdu. Yoldaşları ayağındakı tərliyi götürmüşdülər ki, ayaqyoluna getsinlər, bu ona görə ayaqlarını oturacağın üstünə qoymuşdu. Bu zaman Ruslan oğluma yaxınlaşaraq söyüb və ayağını aşağı salmağı tələb edib. Müqavimət görən kimi isə əlini bıçağa atıb”, - deyə atası bildirir.
Zəka Rüstəmov qatilin narkotik təsiri altında olduğunu bildirib. Ruslan Səfixanov atasının tələbələrini yarışa gətirmişdi.
“Oğlumun meyitini özüm yumuşam. Ürəyindən 2 zərbə, alnı, qulağının arxası, başı deşik-deşik idi”, - deyə mərhumun atası əlavə edib.
Turan Rüstəmov 11-ci sinif şagirdi olub. O, öncə Cüdo üzrə Respublika daha sonra isə Avropa çempionu olmağı arzulayırdı.
Ötən gün qatil Ruslan Səfixanovun atası hadisəyə öz münasibətini bildirmişdir.
[caption id="attachment_81168" align="alignnone" width="640"]
Foto Baku TV rəsmi Youtube kanalı[/caption]
